工作二三事

一向很少提及工作，因為沒什麼好寫。工作不忙每日尚算準時收工（7:30前），性質只是不斷審批設計及文字稿，間中搞下function，一個悶字，看我現在狂發文就知我冇野做了。在這間公司做不是不好，只是時間一長個人會變懶，適合已婚或退休人士。有時會懷念以前在匯豐拚搏的日子，雖然辛苦但感覺充實，每日都會遇到好玩的人和事。冇career-mind的我對人工也不是亳無要求，只要不是做古呢洗廁所之類對自己冇value-added既野，基本上我是不介辛苦的（當然人工相對要高番d）。最近亦有搵other industry如FCMG、event mgt相關的工作但音訊全無，政府工有申請紀律部隊但我只是想迫自己減肥啦，我份人咁無紀律萬一真係得左就搞笑…重點係番工要著土爆制服完全唔啱我百變既個性！（但人工真係好吸引）我有機會為香港市民服務嗎？？？

唯一興幸係我的同事們全都是好人，冇咩競爭；小白更是個無架子的絕世好老板，那天若要離開，我會想念她的；A小姐是我的親密戰友，一齊搵食；還有E媽超搞笑，現在轉了座位間房即時冇晒生氣；張大少比女人更感性，好啱傾（此人亦是我及A小姐的姊妹）

不知不覺，已在這兒工作了兩年多，我想是時候認真考慮去留了。