大紅大紫

經紫微斗數大師Jenny指點, 早陣子將床單及被袋轉為Sharp紅色. 大概是有點太過了, 望住張床頭都暈埋, 之後會加張粉紅色Kitty毛巾被cover一下. 至於Elmo公仔一向都是我的至愛, 剛好又是紅色, 不知不覺就愈儲愈多. 妹講笑說如果一覺醒來看見全部Elmo眼仔碌碌望住自己會好得人驚囉! 本人的是雙人4尺半床, 原本睡兩個人都很寬敞, 不過公仔實在太多了, 前度男友來過夜時, 要把所有Elmo移走才有位睡, 嘻嘻~~~

另外地毯我亦換成桃紅色, 總之希望一切順利啦. 最近見工機會明顯多了, 雖然多數入唔到final round, 咪當累積多些經驗為日後見工作準備囉. 感情方面, 唉, 30+, 有d事業既男人差不多全都死會了, 是我要求太高嗎? 嗯, 選情告急, 現在可能連姊弟戀我都會考慮了.

近期讀物

左邊重厚過本牛津字典既書就是我其中一本法律書, 亦是悶到爆的一科. 由上年年頭開始至現在, 進度都係睇左十分一左右. 咁上年我究竟點考試呢? Well…..肥佬左之後發現法律是絕對不可以用以前的讀書方法(指雞精書及狂做past paper), 唯有死死氣逐頁重新睇過. 不過5月就要考試了, 我冇咩信心可以讀得完. 如果scan through過全部內容一次已經可以俾自己10個叻, 另外有勁多notes呀past paper呀essays等等, 仲有其餘兩科要考呀! 應該好忙的我為何還有閒情逸緻打blog睇消閒書呢?

右邊的兩本是我近期愛讀的書, 火星空姐的驚世大作, 大少奶的美食書, 還有Stephenie Meyer “Twilight” book 3(因為是ebook所以沒拍照), 不用幾天就看完了. 如果內容對味的話, 我算是一個看書很快的人, 中英文書都可以, 當然看中文又會再快一點. 最愛去page one打書釘, 嗯, 其實是想看看有沒有減價貨, 平時沒減價的設計書賣得超貴, 不用一天就看完, 很肉痛呀! 衣服就不同了, 買貴了, 穿多幾次減低average cost都可以, 嘻嘻!

打邊爐燒屋事件

好友們來我家打邊爐, 大家興緻高昂地狂買一大堆食物, 快手setup好準備開餐之際, gas爐突然壞了?!我家是少數仍然源用gas爐的原始人, 因為我媽是個極端的健康飲食追隨者, 一切肥膩熱氣高膽固醇的食物她都會敬而遠之, 所以絕少大班人來我家打邊爐. 今次難得兩老不在家, 哈, 唔反轉間屋等幾時?

話說個爐tart極都唔得, 我唯有做阿四跑落樓下日本城買個最平的電磁爐(大陸貨都要$299). 上返屋企一開門, 哇! 無端端開晒d窗, 有陣燒lon野味, 朋友隻手紅晒, 心知不妙. 原來個gas爐好神奇地tart到火幾秒鐘, 跟住就發生"小型"爆炸! 連張枱墊都燒溶左, 紙碟lon左.....好彩, 間屋同好友尚健在. 非常之唔好意思阿v, 大時大節令你有生命危險, 萬一你有咩事, 我會為你祈禱的 (我係咪想俾人打呢?)

又, 我媽的"好客"有沒有嚇壞你們呢? 其實你們不肯接受她的好意(將食剩既玉米, 冬菇, 海鮮等帶回家), 她是有點失落的.

今個聖誕沒有情人, 但有好友相伴, 感覺良好. 謝謝你們!!

戰衣

今晚的戰衣是Biker加Juicy Girl黑色閃片one-piece, 配黑色長boot, 走型格路線



不過今日最高23度, 著成咁會唔會熱到癲?!

Merry X'mas

To all my friends (specially to V),

Merry X'mas!!

聖誕大禮

今天同事C在公司飯堂食飯時，提早收到聖誕禮物：

全屍小強一隻!! 連翼!! 好驚!! 好彩本人愛美麗，Lunch只會食水果餐，中西式菜色無論多吸引我都不會吃的。不過安全至上，我即時將透明膠盒內的水果左右反覆檢查一下，確定沒有異物才安心進食(其實飲品我都驚有野囉)。

我覺得我同事真係好勁，竟然不怕死再要求換另一碟燒味。相信他是有計劃地請sick leave的。

新開始

想開一個全新的網誌, 已經有一段長時間. 無奈懶人如我每天活在地獄中, 上班完全沒有機會上網, 回家即倒頭大睡, 何來時間寫作呢?10月之前我都是在公司大模施樣地更新網誌呀, 回覆留言,買股票,玩MSN....現在報應來了. 即使怨氣沖天, 很想狂寫東西發洩, 晚上亦倦得連電腦都不想開, 早陣子拍下一大堆照片原本準備放上網(友說我的網誌太單調), 現在長存於DC內, 什麼寫作靈感都走掉了.

索性關掉之前的, 重新開過另一個網誌. 我不會刪除舊址, 就如結束了的感情, 我不會選擇刻意忘記, 只會將它放進回憶的盒子內. 曾經深深地喜歡過的人和快樂的事, 又怎會捨得全部忘記呢? 將來或許會突然回想起當時的快樂, 若現在永久刪除了, 不是很可惜嗎?

新的網誌比舊有的簡陋, 不會再弄什麼fancy野, 有的就只是我的字及一些生活照. 這裡是我寫給自己看的, 其他人覺得悶的話就請多包涵啦, 反正不喜歡的可以不看呀! Opendiary那邊我會同步更新的.

第一篇暫時不打算介紹自己. 舊網誌的讀者/朋友相信已經知道我是個無聊低b愛購物的中環OL, 我仍然堅持不現真身, 因為不想突然在街上有不認識的人問我是不是敗家OL(OK是我想多了, 我又不是zz/素顏/空姐b, 怎會有Fans呢?), 不過就算有我都會死口唔認, 扮無知我最在行了.

更新時間不定, 多數不開心時就會想寫東西. 現階段我想會每天更新, 直至Brothers事件結束為止. 灰x1000!!