我認為終極shopaholic的定義是不論何時何地平或貴價都可以買. 舉個例子: 會去LCF買正價鞋, 常買的手袋品牌不是LV就是CHANEL; 但又會去大陸買A貨, 隨街買cheap野喎. 與好友P相比,我算得上"慳家", 起碼會等到有減價才會大手掃貨(err.....當然有時很難忍手都會買一兩件新貨的). P令我甘拜下風的地方就是無時無刻都在買東西, 上週六與她殺入北角女人街某成衣出口店, 為的是雜誌上提及20元一絛的正版Juicy牛仔褲, 那種與師奶阿伯在牛仔褲堆中(有幾個人咁高!!)發狂搵野買的狠勁, 購物狂如我都不得不寫個服字. 有個shopaholic frd收風都快d, 間中會有vip/staff discount, 唔想咁敗家但又有佢地自動報料, 究竟係咪一件好事呢?
看上年的開支分佈, 購物(包括衣褲鞋袋美容等產品)占總開支的44%, 吃飯支出只有7%, 可想言之我絕對是愛靚唔愛命, 寧可吃少一點省錢用來買東西. 2008年花錢實在太過分了, 買野的金額....可以用來作一百萬私人樓的首期囉!!(9成按揭) 所以09年的首要目標除了搵個好男人外, 就是要儲錢買樓, 雖然已經講了很多年, 但今次我是很認真的, 萬一嫁唔出都要有間姑婆屋住掛?老土地要寫寫09年展望(最重要的排先):
1. 找個可作結婚對象的好男人(之後再寫篇關於擇偶條件)
2. 儲錢投資, 首選買樓
3. 父母身體健康
4. 轉份好工
5. LLB考試合格, 我要求很低的
當然還有祝各好友事事順利啦 ^_^
沒有留言:
發佈留言